今日有個朋友問左我一個好似好易答, 但又其實好難答0既問題....

佢問我知唔知道我夠竟有幾多個朋友? 講真, 邊有人數有幾多個朋友, 依家有FACEBOOK 好0的, 0係FB 0既朋友有一百六十幾個人, 但你問我全部朋友都0係晒FB? 又唔係喎, 有0的係冇FB, 但有0的0係FB 都唔係好熟, 同埋點樣界定為朋友都好難...

我識好多人, 但唔係個個熟, 我同好多人都熟, 但又唔係個個人都成日見, 咁樣叫唔叫朋友先, 有0的仲係幾年都未見過, 但又唔係唔識喎, 不過我有個奇人奇技, 就係咩人都可以好熟, 有0的第一次見, 我地都好似老朋友咁傾計, 上個星期同晶佬個兒時好友屋企, 基本上佢係我地媒人黎, 因為呢個朋友都係我預科同學, 我0個晚係咁同佢老婆傾計, 我朋友問: 你地幾廿年冇見過? 其實我同佢老婆可以話係唔識, 只係佢結婚時見過一次, 我就係有呢份能耐, 不過限於對女人, 我可以同一0的完全唔係叫熟0既女性朋友都好似識左好奈咁傾計啦...

有時朋友會羨慕我多朋友, 其實朋友多有好有唔好, 好處係有咩事0既時侯, 好多人幫助自己, 而且從唔同0既朋友裡, 都會吸收到唔同0既經驗同知識, 但唔好處就係顧此失彼, 由其是女性朋友, 女人有種妒忌心, EVEN對男朋友, 老公或者朋友都係, 如果發現朋友對另一個朋友好0的, 點都會咋型, 我都唔知試過N 咁多次比人投訴我偏心, 講真, 我係人, 緊係會偏心架啦....

我唸我其實成日交往而又真正熟0既朋友, 應該有50個吧!? 這些朋友會間唔中見, 會好UPDATE 大家0既近況, 會成日傾計, 由其是依家有FB, 咩都可以0係FB 度傾, 不過對於我呢種獅子座性格0既人, 真真正正可以令到我會主動講自己唔好野或者唔開心0既朋友, 反而係小之有小, 一隻手一定數得晒, 或者我總給人好堅強0既感覺, 所以我唔係好想比人知我太軟弱0既時侯, 不過唔代表我唔當其他人係朋友, 只係唔想太多人擔心我啦...

前一篇0既文章提到我一個朋友出了點事, 其實到現在我還很擔心他, 因為我知道他是一個不願分享自己感受的人, 我想他可能很堅強, 不過大家是老朋友, 有時侯可以在我面前軟弱一點啦...